Қазақстан Республикасының Денсаулық сақтау министрі Ақмарал Әлназарова жұмыс сапарымен Солтүстік Қазақстан облысына келді. Жұмыс сапары барысында өңіріміздің денсаулық сақтау саласының өзекті проблемалары талқыланды, оның ішінде медициналық қызметтердің қолға жетімділігі мен ауылдағы медицинаның жай-күйі.
Кездесуде облыс тұрғындары сұрақтарын қойып, өздерін толғандырып жүрген тақырыптарға жауап алды. Дәрі-дәрмекпен қамтамасыз ету, емдеуге жатқызу және медициналық көмек алу мәселелері талқыланды. Кейбір сұрақтарды Министр жеке бақылауына алды, министрліктің бейінді бөлімшелеріне оларды шешу тапсырмасын берді.
Министр тұрғындар тарапынан кері байланыстың болу маңыздылығын атап өтті және осындай кездесулер проблемаларға жедел әрекет етуге, еліміздің денсаулық сақтау саласын жақсартуға мүмкіндік беретінін атап өтті.
