Көпбейінді қалалық жедел медициналық жәрдем ауруханасына пышақпен жарақатталған және оң жақ қабырғасының астынан сыртқа қан кетіп жатқан, ауыр күйдегі 44 жасар әйел түсті.
Зардап шеккеннің сөзінше, ол жарақатын байқаусызда тұрмыстық пышақпен жұмыс істеп жатқанда алған. Кезекші хирургтер мен реаниматологтар қарап-тексергеннен кейін әйел шұғыл түрде операция жасау үшін жатқызылды. Дәрігерлер 2,5 сағат бойы пациенттің өмірі үшін күресті және бауырдың оң жақ бөлігінің, ірі күре тамырдың жараларын тігу, лапаротомия, санация, іш қуысын дренаждау жүргізілді. Екі литр қан жоғалтуы жағдайды қиындатты. Аурухана қызметкерлерінің үйлесімді және жедел жұмысының арқасында операция сәтті өтіп, әйелдің өмірі аман қалды. Қазіргі уақытта әйелдің жай-күй тұрақты, орташа дәрежелі, операциядан кейінгі кезеңмен байланысты.
Дәрігерлер зиянсыз болып көрінетін ас үй құралы - пышақты абайсыз қолдану орны толмас салдарға әкелуі мүмкін екенін еске салады. Сондықтан оны байқап қолдану, жұмыс істегенде қауіпсіздік техникасын сақтау қажет. Егер пышақ ұшы сіз жаққа бағытталған болса, пышақпен жұмыс істеуге болмайды, өткір емес пышақты қолдануға болмайды. Пышақты үстелдің, сөренің т. б. шетінде және үстел үстінде қалай болса солай қалтыруға болмайды.
