Көп бейінді қалалық жедел медициналық жәрдем ауруханасының жоғары санатты дәрігер-терапевті, терапия бөлімшесінің меңгерушісі - Рахимберлина Зәуреш Әлімқызының өмірден озғаны туралы қайғырып, хабарлаймыз.
Зәуреш Әлімқызы медицина саласына өмірінің 39 жылдан астам уақытын арнаған адам.
1989 жылдан бастап терапия бөлімшесіне басшылық етті, оның басшылығымен науқастарға терапиялық, токсикологиялық және оңалту көмегі, оның ішінде ковидтен кейінгі көмек көрсетілді.
Ол тәжірибелі дәрігер ғана емес, сонымен қатар дана тәлімгер, СҚО жоғары медицина мектебінің және СҚО медицина колледжінің оқытушысы, Солтүстік Қазақстан облысының штаттан тыс бастерапевті еді.
Оның білімі, кәсіби шеберлігі және адами жылулығы мыңдаған пациенттер мен әріптестерге көмектесті.
Іске деген адалдығы мен денсаулық сақтау саласын дамытуға қосқан зор үлесі үшін Зәуреш Әлімқызы көптеген марапаттардың иесі атанған:
• ҚР Денсаулық сақтау министрлігінің Құрмет грамотасы
• СҚО әкімінің Құрмет грамотасы
• «ҚР-ның денсаулық сақтау үздігі»төсбелгісі
• «Әскери қызмет үздігі» төсбелгісі
• «Қазақстан Республикасының үздік жұмыскерлері - 2022» конкурсының төсбелгісі
• «Жаңа Қазақстанның жыл адамы» ордені.
Марқұмның жарқын бейнесі әріптестерінің, оқушылары мен жақын туысқандарының жүректерінде әрқашан сақталады.
🙏 Туған-туыстары мен жақындарына қайғырып, көңіл білдіреміз.
