Жаңалықтар

М.Жұмабаев ауданының 77 жасар тұрғыны моншада құлап, пешке аяғын күйдіріп алған. Ер адам өзін өзі емдеп, медициналық көмекке 8 күн өткеннен кейін, дене қызуының 37°C дейін көтерілуі және жай-күйінің нашарлауы сияқты инфекция белгілері пайда болғанда ғана жүгінген. Дәрігерлер 2-3А дәрежелі инфекцияланған ыстыққа күйікті диагностикалады (сол жақ саны терісінің 3%). Пациенттің жарасын өңдеді, талдаулар алынды және асептикалық таңғыштар салынды. Қазір ол стационарда емделіп жатыр, жағдайы жақсарды. ⚠️ ДӘРІГЕРЛЕР МЫНАЛАРДЫ ЕСТЕРІҢІЗГЕ САЛАДЫ: Ыстыққа күю - ең көп таралған және жара дұрыс өңделген кезде ол әдетте оңай емделеді. Алайда өзін өзі емдеу асқынуларға әкелуі мүмкін. КҮЙІК АЛҒАН КЕЗДЕ НЕ ІСТЕУГЕ БОЛМАЙДЫ:​1.​Мұз басуға болмайды. Бұл суық тиюге әкелуі мүмкін және тамырлар спазмының салдарынан зақымдануды күшейтуі мүмкін.​2.​Жақпа май, крем, майлар немесе халықтық емдеу әдістерін қолдануға болмайды. Олар диагностиканы ауырлатады, жараның жағдайын нашарлатады және инфекцияны тудыруы мүмкін.​3.​Күлдіреуікті жаруға болмайды. Бұл инфекция қаупін арттырады.​4.​Жабысқан киімді жұлуға болмайды. Күйіктің айналасындағы матаны ақырын кесіп алу және дәрігерге жүгінген дұрыс болады. Күйік алған кездегі алғашқы көмек:​•​Зақымданған жерді салғын (мұздай сумен емес!) сумен 10-15 минут бойы шаю.​•​Стерильді құрғақ таңғыш салу.​•​Медициналық көмекке жүгіну. Өзіңізге абай болыңыздар және өзіңізді өзіңіз емдемеңіздер! Мамандардың көмегі — тез және қауіпсіз сауығудың кепілі.