Осы аптада Көп бейінді қалалық жедел медициналық жәрдем ауруханасында орта буын медицина қызметкерлеріне арналған пациенттердің қауіпсіздігі және медициналық манипуляцияларды жүргізу кезіндегі қауіпсіздік талаптарын сақтау мәселелеріне арналған оқыту семинары өтті.
Семинар барысында екі маңызды тақырып қарастырылды:
🔹 Пациенттер қауіпсіздігінің халықаралық мақсаттары және қауіпсіздік мәдениеті. Қатысушыларға пациенттер қауіпсіздігінің халықаралық мақсаттарына сәйкес жұмыс істеу қағидалары, қауіпсіздік мәдениеті ұғымы, сондай-ақ инциденттердің түрлері, оларды дер кезінде анықтау және алдын алудың маңыздылығы түсіндірілді.
🔹 Хирургиядағы жоғары жиілікті электр энергиясы. Медицина қызметкерлері электрокоагуляторлардың жұмыс істеу принциптерімен, оларды қолдану ерекшеліктерімен және электрохирургия кезіндегі негізгі қауіпсіздік талаптарымен танысты.
Осындай оқыту іс-шаралары медицина қызметкерлерінің кәсіби білімін жетілдіруге, медициналық көмек көрсету кезінде қауіпсіздік деңгейін арттыруға және ықтимал қауіптердің алдын алуға ықпал етеді.
Пациенттің қауіпсіздігі әрбір медицина қызметкерінің мұқияттылығынан, жауапкершілігінен және кәсіби сауатты әрекетінен басталады.
